មនុស្សស្លាប់ក្នុងការតវ៉ាដោយហិង្សានៅប្រទេសអ៊ីរ៉ង់ រយៈពេលជិតមួយសប្តាហ៍កន្លងមកនេះ បានកើនឡើង ខណៈភាពចលាចលក៍បានរីករាលដាលទូទាំងប្រទេស ចំពោះការឆ្លើយតបនឹងការស្លាប់របស់នារីម្នាក់ នៅក្នុងការឃុំឃាំងរបស់ប៉ូលិស។
តួលេខផ្លូវការដែលបានប្រកាសនៅលើកញ្ចក់ទូរទស្សន៍រដ្ឋបាននិយាយថាៈ យ៉ាងហោចណាស់មនុស្ស ១៧នាក់ត្រូវបានសម្លាប់ នៅក្នុងការប៉ះទង្គិចគ្នារវាងកងកម្លាំងសន្តិសុខអ៊ីរ៉ង់ និងក្រុមបាតុករ។
ប៉ុន្តែអង្គការសិទ្ធិមនុស្សអ៊ីរ៉ង់ (IHR) ដែលមានមូលដ្ឋាននៅទីក្រុងអូស្លូ បានប៉ាន់ប្រមាណថាៈ ចំនួនអ្នកស្លាប់គឺខ្ពស់ជាងនេះដោយរាយការណ៍ថាៈ យ៉ាងហោចណាស់ជនស៊ីវិល៣១នាក់ហើយត្រូវបានសម្លាប់រហូតមកដល់ពេលនេះ។
សូមជម្រាបថាៈ ការស្លាប់របស់នាង អាមីនី Amini បានប្រែក្លាយទៅជាការប្រឈម ចំពោះរបបប្រជាធិបតេយ្យរបស់ប្រទេសអ៊ីរ៉ង់ ។
ដោយមានបាតុករជាច្រើនបានស្រែកពាក្យស្លោកប្រឆាំងរដ្ឋាភិបាល និងដុតអាវហ៊ីចាបប្រពៃណីម៉ូស្លីមរបស់ពួកគេចោលទៀតផង។
ទោះជាយ៉ាងណា វាជាភាពចលាចលដ៏អាក្រក់បំផុត ដែលប្រទេសអ៊ីរ៉ង់ ក្នុងប៉ុន្មានឆ្នាំមកនេះ ។
ហើយរដ្ឋាភិបាលបានចាត់វិធានការដើម្បីលុបបំបាត់ការតវ៉ា រួមទាំងការរឹតបន្តឹងការចូលប្រើអ៊ីនធឺណិត និងការបិទកម្មវិធីផ្ញើសារដូចជា WhatsApp ជាដើម។
ជាមួយគ្នានោះ ដោយបន្ថែមការភ័យខ្លាចនៃការបង្ក្រាបកាន់តែធ្ងន់ធ្ងរ ឆ្មាំបដិវត្តន៍ប៉ារ៉ាយោធាអ៊ីរ៉ង់ បានអំពាវនាវឱ្យអ្នកណាម្នាក់ដែលផ្សព្វផ្សាយ “ព័ត៌មានមិនពិត” អំពីភាពចលាចលនេះត្រូវកាត់ទោសដោយតុលាការ។
គួរជម្រាបថាការ ស្លាប់របស់នាង ម៉ាហ្សា អាមីនី Masha Amini ត្រូវបានថ្កោលទោសដោយសហភាពអឺរ៉ុប សហរដ្ឋអាមេរិក និងអង្គការសហប្រជាជាតិ។
ដែលប៉ូលីសអ៊ីរ៉ង់អះអាងថា នារីវ័យក្មេងនោះបានស្លាប់ដោយសារគាំងបេះដូង ប៉ុន្តែ អ្នកជំនាញឯករាជ្យដែលមានទំនាក់ទំនងជាមួយអង្គការសហប្រជាជាតិបាននិយាយថា របាយការណ៍បង្ហាញថា នាងត្រូវបានវាយដំដោយប៉ូលីសសីលធម៌របស់ប្រទេសអ៊ីរ៉ង់រហូតដល់ស្លាប់៕
