ការងារអត់ធ្វើ មុខមាត់ស្អាតបាត.ជិះម៉ូតូល្អ.ដើរលួចគេ.ពេលនេះត្រូវជាប់ខ្នោះ.: ឃាត់ខ្លួនមុខសញ្ញាលួចប្រេងម៉ាស៊ូត.តាមរណ្តៅដី.យ៉ាងសកម្ម.ចំនួន៣នាក់.នៅស្រុកកណ្តាលស្ទឹង.!

កណ្តាល៖កម្លាំងសមត្ថកិច្ចក្របួចបានជនសង្ស័យបីនាក់ បន្ទាប់ពីលួចប្រេងម៉ាស៊ូត២កាន ពីរណ្តៅគ្រឿងចក្រជិកដី។
ហេតុការណ៍ឃាត់ខ្លួននេះធ្វើឡើងកាលពីវេលា​ម៉ោង នាទី​០២​នឹង​១០​នាទីថ្ងៃទី​០៦ ខែ​កក្កដា ឆ្នាំ​ ២០២២
ស្ថិតចំណុច៖​នៅភូមិ​កំពង់ទួល ឃុំ​អន្លង់រមៀត ស្រុក កណ្ដាល​ស្ទឹង​ ខេត្ត​កណ្ដាល​។

ជនសង្ស័យ​
១,ឈ្មោះ យឿន វិសាល ភេទ ប្រុស អាយុ ២០ ឆ្នាំ មានទីលំនៅភូមិ មាត់បឹង ឃុំ ទ្រា ស្រុក កណ្ដាលស្ទឹង ខេត្ត កណ្ដាល ។ មុខរបរ ពិតប្រាកដ ។
២,ឈ្មោះ ទូច រ័ត្នមន្នី ភេទ ប្រុស អាយុ ២៥​ ឆ្នាំ ទីលំនៅភូមិ ត្រស់ ឃុំ ទ្រា ស្រុកកណ្ដាលស្ទឹង ខេត្ត កណ្ដាល មុខរបរពិតប្រាកដ (ធ្លាប់​ជាប់​ពន្ធនាគារ​ខេត្ត​កណ្ដាល​រយៈ​ពេល​ ០២​ឆ្នាំ​ពី​បទ​:​អំពើ​លួច​(ម៉ូតូ​)។
៣,ឈ្មោះ សោម វ៉ាគីមហុងភេទ ប្រុស អាយុ ១៦​ ឆ្នាំ ទីលំនៅភូមិ ក្រាំងខ្នុង ឃុំ ក្រាំងខ្នុង ស្រុក បាទី ខេត្ត តាកែវ​ ។ មុខរបរ​មិន​ពិត​ប្រាកដ។

វត្ថុតាង​ចាប់​យក​រួមមាន​៖ម៉ូតូ​មួយ​គ្រឿង​ម៉ាក​ Honda​ Dream​ C​១២៥​ស៊េរី​ឆ្នាំ​ ២០២២​ ពាក់​ផ្លាក​លេខ​ កណ្ដាល​ 1AN 1437។
ទូរស័ព្ទ​ដៃ​០១គ្រឿង​ម៉ាក​ OPPO ពណ៌​ខៀវ និងប្រេង​ម៉ាស៊ូត​ចំនួន​ ០២​ កាន។

កាលពីវេលាកើតហេតុខាងលើកម្លាំងប៉ុស្តិ៍អន្លង់​រមៀត​ និង​កម្លាំង​ប្រជាការពារ​ បានដើរល្បាតតាម​បណ្តោយ​ផ្លូវ​ជាតិ​លេខ​៣​ចំណុចភូមិ​កំពង់​ទួល​។
ស្រាប់តែឃើញជនសង្ស័យ០៣​នាក់ខាងលើ​ជិះ​ម៉ូតូ​មួយគ្រឿង​ម៉ាក​Honda​Dream​ C​125 ស៊េរី​ឆ្នាំ​ ២០២២​ ពាក់​ស្លាក​លេខ​ កណ្ដាល​ 1AN 1437 ដឹកប្រេង​ម៉ាស៊ូត​ចំនួន​០២​កាន​គួរឱ្យសង្ស័យ។
ភ្លាមនោះ! កម្លាំងប៉ុស្តិ៍​អន្លង់​រមៀត​ ធ្វើការឃាត់ខ្លួនជនសង្ស័យ​សួរនាំ និងបញ្ជូន​មកកាន់​អធិការ​ដ្ឋាន​។

ជនសង្ស័យ​បាន​សារភាព​ថា នៅថ្ងៃទី​០៦ខែ​ កក្កដា​ឆ្នាំ​២០២២​ ឈ្មោះ​ យឿន​ វិសាល​ បាន​ចេញ​ពីផ្ទះ​របស់​ខ្លួន​ទៅលួច​ប្រេង​ម៉ាស៊ូត​ នៅរណ្តៅ​ដី​មួយ​កន្លែង​ស្ថិត​នៅ​ភូមិ​មាត់បឹង​ ឃុំ​ទ្រា​ ស្រុក​ កណ្ដាល​ស្ទឹង​បាន​ចំនួន​ ០២​ កានរួចយកមកទុកនៅ​ផ្ទះ​វិញ ពេល​នោះ​ជនសង្ស័យ​ ឈ្មោះ​ ទូច​ រត្ន័​មន្នី​ និង​ឈ្មោះ​ សោម​ វ៉ា​គីមហុង​ បាន​ជិះ​ម៉ូតូ​មកដល់ផ្ទះ​របស់​ឈ្មោះ​ យឿន​ វិសាល​ ពេល​នោះ​ជនសង្ស័យ​ឈ្មោះ​យឿន​ វិសាល​ និង​ ឈ្មោះ​ ទូច​ រត្ន័​មន្នី​បាន​ដឹក​ប្រេង​ម៉ាស៊ូត​ដែល​លួច​បាននោះទៅលក់​នៅ​ម្តុំ​ កំពង់​ទួល​ ដោយ​ទុក​ឈ្មោះ​ សោម​ វ៉ា​គីមហុង​អោយ​នៅដេក​ចាំផ្ទះ​ មួយសន្ទុះ​ក្រោយមក​ជនសង្ស័យ​ទាំង​ពីរ​នាក់​បាន​ត្រឡប់​មក​ពី​លក់​ប្រេង​ម៉ាស៊ូត​វិញ​បាន​លុយចំនួន​ ២០០,០០០រៀល​។


ហើយឈ្មោះ​ សោម​ វ៉ា​គីមហុង​ ទៅធ្វើ​សកម្មភាព​លួច​ប្រេង​ម៉ាស៊ូត​នៅ​រណ្ដៅ​ដី​នោះ​ម្តង​ទៀត​ បាន​ចំនួន​ ០២កាន​ រួច​ជិះ​យក​មកលក់នៅ​ម្តុំ​កំពង់​ទួល​ បាន​ជួយ​នឹង​កម្លាំង​សមត្ថកិច្ច​ប៉ុស្តិ៍​នគរបាល​រដ្ឋ​បាល​ឃុំ​ អន្លង់​រមៀត​ និង​ កម្លាំង​ប្រជាការពារ​ចាប់ឃាត់​ខ្លួន​បញ្ជូន​មកកាន់​អធិការ​ដ្ឋាន​នគរបាល​ស្រុក​កណ្ដាល​ស្ទឹង​ដេីម្បី​កសាង​សំណុំ​រឿង​តាម​នីតិ​វិធី​៕

Leave a Reply

Your email address will not be published.