តួ​ក​គី​នឹង​ធ្វើជា​ម្ចាស់ផ្ទះ​ក្នុងកិច្ចពិភាក្សា​ស្តីពី​ការនាំចេញ​គ្រាប់ធញ្ញជាតិ​នៅ​សមុទ្រ​ខ្មៅ​របស់​អ៊ុយក្រែន​ឡើងវិញ!

តួកគីគ្រោងនឹងធ្វើជាម្ចាស់ផ្ទះទទួលមន្ត្រីរុស្ស៊ី អ៊ុយក្រែន និងអង្គការសហប្រជាជាតិសម្រាប់កិច្ចពិភាក្សាក្នុងសប្តាហ៍ខាងមុខ ក្នុងគោលបំណងបន្តការនាំចេញគ្រាប់ធញ្ញជាតិដែលបច្ចុប្បន្នកំពុងជាប់គាំងនៅក្នុងកំពង់ផែសមុទ្រខ្មៅ នេះបើយោងតាមរបាយការណ៍ប្រព័ន្ធផ្សព្វផ្សាយ។

កិច្ចប្រជុំដែលបានគ្រោងទុកនៅទីក្រុងអ៊ីស្តង់ប៊ុល នឹងត្រូវធ្វើឡើងមុនដំណើរទស្សនកិច្ចទៅកាន់ទីក្រុងមូស្គូក្នុងសប្តាហ៍នេះ ដោយគណៈប្រតិភូការពារជាតិទួរគី ដើម្បីពិភាក្សាលម្អិតអំពីច្រករបៀងសមុទ្រដែលមានសុវត្ថិភាពនៅក្នុងសមុទ្រខ្មៅ ទូរទស្សន៍ក្នុងស្រុករបស់ទួរគី NTV និង CNN Turk និងទីភ្នាក់ងារសារព័ត៌មានរ៉យទ័របានដកស្រង់សម្តី។ នេះ​បើ​តាម​ប្រភព​របស់​ប្រធានាធិបតី​តួកគី​ដែល​បាន​និយាយ​កាល​ពី​ថ្ងៃ​អង្គារ។

ទីភ្នាក់ងារ TASS របស់រុស្ស៊ីក៏បានបញ្ជាក់ពីផែនការសម្រាប់កិច្ចពិភាក្សារបស់គណៈប្រតិភូយោធាទួរគីផងដែរ ដោយដកស្រង់សម្តីអ្នកនាំពាក្យវិមានក្រឹមឡាំង លោក Dmitry Peskov ។

ស្រូវសាលី និងគ្រាប់ធញ្ញជាតិរាប់លានតោនបច្ចុប្បន្នកំពុងជាប់គាំងនៅក្នុងកំពង់ផែអ៊ុយក្រែន ទាំងត្រូវបានរារាំង ឬកាន់កាប់ដោយកងកម្លាំងរុស្ស៊ី ខណៈដែលនាវាប្រឈមមុខនឹងគ្រោះថ្នាក់នៃគ្រាប់មីនដែលបានដាក់នៅក្នុងសមុទ្រខ្មៅ។

គួរបញ្ជាក់ថា កិច្ចប្រជុំបួនផ្លូវរវាងទួរគី អ៊ុយក្រែន រុស្ស៊ី និងអង្គការសហប្រជាជាតិនឹងធ្វើឡើងនៅទីក្រុងអ៊ីស្តង់ប៊ុលក្នុងសប្តាហ៍ខាងមុខនេះ អាចមានការចូលរួមពីប្រធានាធិបតីទួរគី Recep Tayyip Erdogan និងអគ្គលេខាធិការអង្គការសហប្រជាជាតិលោក Antonio Guterres៕

Leave a Reply

Your email address will not be published.