(ភ្នំពេញ)៖ កាលពីរសៀលថ្ងៃទី១៧ ខែកញ្ញា ឆ្នាំ២០២កាម្សិលមិញ លោក នេត្រ ភក្ត្រា រដ្ឋមន្ត្រីក្រសួងព័ត៌មាន បានអញ្ជើញជាអធិបតី ។
ក្នុងពិធីបិទវគ្គសិក្សាស្តីពី ភាពជាអ្នកគ្រប់គ្រង និងដឹកនាំអង្គភាពសារព័ត៌មាន ដែលរៀបចំដោយសមាគមន៍អភិវឌ្ឍន៍វិជ្ជាជីវៈអ្នកសារពត៌មាន គាំទ្រដោយក្រសួងព័ត៌មាន និងក្រសួងបរិស្ថាន ដែលធ្វេីនៅអគារាជ្យបណ្ឌិតសភាកម្ពុជា។
ថ្លែងក្នុងឱកាសដ៏វិសេសវិសាលនេះលោក នេត្រ ភក្ត្រា បានវាយតម្លៃខ្ពស់ចំពោះសមាគមអភិវឌ្ឍន៍វិជ្ជាជីវៈអ្នកសារពត៌មានកម្ពុជា ។
ដែលបានរៀបចំកម្មវិធីវគ្គបណ្តុះបណ្តាលស្តីពី ភាពជាអ្នកគ្រប់ គ្រង និងដឹកនាំអង្គភាពសារព័ត៌មាន ដោយឥតគិតថ្លៃ ជូនដល់សិក្ខាកាមចំនួន ៣៨១នាក់ ដែលអញ្ជើញមកពីតាមបណ្តារាជធានី ខេត្ត ។
ជាកិច្ចបន្តទៀតលោក នេត្រ ភក្ត្រា ក៏បានផ្តាំផ្ញើដល់សិក្ខាកាមទាំងអស់ ត្រូវយកចំណេះដឹង ។
ដែលទទួលបានពីការចែករំលែករបស់វាគ្មិន ក្នុងវគ្គសិក្សានេះ យកទៅអភិវឌ្ឍន៍ខ្លួន អភិវឌ្ឍន៍អង្គភាព និងចូលរួមពង្រឹងគុណភាពនិងការផ្សព្វផ្សាយនៅប្រទេសកម្ពុជា អោយបានល្អប្រសើរ។
លោក នេត្រ ភក្ត្រា ក៏ស្នើឲ្យអ្នកសារព័ត៌មានទាំងអស់ គោរព ក្រមសីលធម៌វិជ្ជាជីវៈរបស់ខ្លួន គោរពសិទ្ធិបុគ្គលឯកជន គោរពច្បាប់រដ្ឋ ពិសេសច្បាប់ស្តីពីរបបសារព័ត៌មាន។
វគ្គសិក្សាស្តីពី ភាពជាអ្នកគ្រប់ គ្រង និងដឹកនាំអង្គភាពសារព័ត៌មាន នេះដែរគឺមានរយៈពេល ២ថ្ងៃពេញ ក្នុង វគ្គបណ្ដុះបណ្តលនេះ លោកបណ្ឌិត ហោ គន្ធា ប្រធានសមាគមអភិវឌ្ឍន៏វិជ្ជាជីវៈអ្នកសារព័ត៌មានកម្ពុជា បានមានប្រសាសន៍ឡើងថា នេះជាលើកទី៣ ហើយវគ្គបណ្ដុះបណ្ដាល របស់សមាគម(CJDS) តែងតែបានគិតគូរ ដល់បងប្អូនអ្នកសារព័ត៌មាន នូវក្រមសីលធម៌វិជ្ជាជីវៈរបស់ខ្លួន ។
ដើម្បីចែករំលែក បទពិសោធន៍ ចំណេះដឹង ដែលមានកន្លែងចន្លោះខ្វះខាត ក្នុងការគ្រប់គ្រងអង្គភាព ដើម្បីអោយអ្នកសារព័ត៌មាន ទាំងយល់ច្បាស់ពីការផ្សព្វផ្សាយ នឹងចំណេះដឹងពីច្បាប់របបសារព័ត៌មាន៕