មន្ត្រីចារកម្មការពារជាតិអ៊ុយក្រែន បាននិយាយថាៈ រុស្ស៊ីអាចនឹងវាយប្រហារលើ រោងចក្រថាមពលនុយក្លេអ៊ែរ ដែលខ្លួនគ្រប់គ្រង រួចទម្លាក់កំហុសលើទីក្រុង Kyiv។
កាលពីថ្ងៃសុក្រ ក្រុមមន្ត្រីបាននិយាយថា ជនជាតិរុស្ស៊ីកំពុងរៀបចំធ្វើការវាយប្រហារ លើទីតាំងនៃរោងចក្រថាមពលនុយក្លេអ៊ែរ Zaporizhzhia នៅភាគខាងត្បូងអ៊ុយក្រែន។
រោងចក្រនេះត្រូវបានទាហានរុស្ស៊ីកាន់កាប់អស់រយៈពេលជាង១៤ ខែ។
ក្រុមមន្ត្រីអះអាងទៀតថា គោលបំណងនៃការវាយប្រហារ ដែលបានគ្រោងទុកគឺដើម្បីបង្កើតសេណារីយ៉ូមួយ សហគមន៍អន្តរជាតិ នឹងត្រូវធ្វើការស៊ើបអង្កេតឲ្យបានហ្មត់ចត់ ។
ដើម្បីកំណត់ថា តើសារធាតុវិទ្យុសកម្មបានលេចធ្លាយចេញពីរោងចក្រដែរឬទេ។ ប៉ុន្តែមន្ត្រីមិនបានផ្ដល់ភស្តុតាងអ្វីទេ។
ទន្ទឹមនឹងនេះ មន្ត្រីជាន់ខ្ពស់នៃសេវាសន្តិសុខសហព័ន្ធ របស់រុស្ស៊ីបាននិយាយនៅក្នុងបទសម្ភាសន៍ជាមួយប្រព័ន្ធផ្សព្វផ្សាយរដ្ឋរបស់ប្រទេសរបស់លោកថាៈ ការគំរាមកំហែងផ្នែកយោធានៅតាមព្រំដែនជាមួយអ៊ុយក្រែន បាននិងកំពុងកើនឡើង។
លោកបាននិយាយថា ប្រជាជនអ៊ុយក្រែន បានចូលរួមក្នុងការបង្កហេតុ និងការបំផ្លិចបំផ្លាញ៕