fbpx

អាមេរិកប្រាប់ដៃគូសម្ព័ន្ធមិត្តថាកុំរវល់តែមើលបញ្ហារុស្សុីនិងអ៊ុយក្រែនពេក ត្រូវងាកមកមើលសកម្មភាពចិនខ្លះផង!

រដ្ឋមន្ត្រីការបរទេសអាមេរិក លោក Antony Blinken បាននិយាយថា ទោះបីជាពិភពលោកកំពុងមានការផ្តោតការយកចិត្តទុកដាក់នាពេលបច្ចុប្បន្ន លើការឈ្លានពានរបស់រុស្ស៊ីលើអ៊ុយក្រែនក៏ដោយ ប៉ុន្តែប្រទេសចិនក៏នឹងកំពុងបានបង្ក “ការប្រឈមរយៈពេលវែងដ៏ធ្ងន់ធ្ងរបំផុតចំពោះសណ្តាប់ធ្នាប់អន្តរជាតិផងដែរ” ។

នៅក្នុងសុន្ទរកថាដ៏សំខាន់មួយដែលបានថ្លែងនៅឯសាកលវិទ្យាល័យ George Washington ក្នុងទីក្រុង Washington, DC កាលពីថ្ងៃព្រហស្បតិ៍ Blinken បានបង្ហាញនូវយុទ្ធសាស្ត្រពហុភាគីរបស់សហរដ្ឋអាមេរិកចំពេលមានការប្រកួតប្រជែងកាន់តែខ្លាំងជាមួយប្រទេសចិន។

លោក Blinken បាននិយាយថា “ក្នុងរដ្ឋបាល Biden យើងនឹងវិនិយោគលើមូលដ្ឋានគ្រឹះនៃភាពខ្លាំងរបស់យើង ការប្រកួតប្រជែងរបស់យើង ការច្នៃប្រឌិតរបស់យើង លទ្ធិប្រជាធិបតេយ្យរបស់យើង។ ហើយយើងនឹងតម្រឹមកិច្ចខិតខំប្រឹងប្រែងរបស់យើងជាមួយបណ្តាញសម្ព័ន្ធមិត្ត និងដៃគូរបស់យើង ដែលធ្វើសកម្មភាពក្នុងគោលបំណងរួម និងក្នុងបុព្វហេតុរួម ហើយទាញយកទ្រព្យសម្បត្តិសំខាន់ៗទាំងពីរនេះ យើងនឹងប្រកួតប្រជែងជាមួយប្រទេសចិន ដើម្បីការពារផលប្រយោជន៍របស់យើង និងកសាងចក្ខុវិស័យរបស់យើងសម្រាប់ពេលអនាគត”៕

Leave a Reply

Your email address will not be published. Required fields are marked *