ប្រធានាធិបតីស៊ែប៊ី លោក Aleksandar Vucic បាននិយាយកាលពីល្ងាចថ្ងៃសុក្រថាៈ ប្រទេសរបស់លោកកំពុងឆ្លង កាត់ដំណើរការសមាជិកភាព និងសមាហរណកម្មសហភាពអឺរ៉ុប ប៉ុន្តែមិនចង់ចូលរួមជាមួយណាតូទេ។
ការកត់សម្គាល់របស់លោក Vucic បានធ្វើឡើងនៅថ្ងៃទីពីរ នៃសម័យប្រជុំពិសេសនៃសភាស៊ែប៊ី ។
ដែលជាកន្លែងដែលផែនការ Franco-German គាំទ្រដោយសហរដ្ឋអាមេរិក និង EU ត្រូវបានពិភាក្សាយ៉ាងទូលំទូលាយដើម្បីដោះស្រាយបញ្ហាកូសូវ៉ូ។
លោក Vucic បាននិយាយ”ស៊ែប៊ីមិនចង់ចូលរួមជាមួយណាតូទេ ស៊ែប៊ីចង់រក្សា និងពង្រឹងអព្យាក្រឹតភាពយោធារបស់ខ្លួន។
មានភាពខុសប្លែកគ្នាយ៉ាងខ្លាំងរវាងសមាហរណកម្មអឺរ៉ុប និងសមាហរណកម្មអាត្លង់ទិក” ។
លោកន្តថាៈ និយាយថា ប្រទេសស៊ែប៊ីនឹងរារាំងកូសូវ៉ូ ពីការចូលរួមជាមួយអង្គការសហប្រជាជាតិ ហើយវាអាចសម្រេចបាន”។
សុន្ទរកថាៈ របស់លោក Vucic ត្រូវបានរំខានជាច្រើនដង ខណៈដែលសមាជិកសភា បានស្រែកដាក់គ្នាទៅវិញទៅមកពីច្រកផ្លូវ ដោយជំរុញឱ្យមានការព្រមានពីប្រធានរដ្ឋសភាលោក Vladimir Orlic ។
សហភាពអឺរ៉ុប តម្រូវឱ្យកូសូវ៉ូ និងស៊ែប៊ី ឈានដល់កិច្ចព្រមព្រៀង ចុងក្រោយ ដែលអាចដោះស្រាយបញ្ហារវាងប្រទេសទាំងពីរ ដើម្បីវឌ្ឍនភាពក្នុងដំណើរការសមាហរណកម្ម។
មន្ត្រីសហភាពអឺរ៉ុបសង្ឃឹមថាៈ ការចរចាលើផែនការនេះនឹងត្រូវបានបញ្ចប់នៅនិទាឃរដូវ។
ទីក្រុងប្រ៊ុចសែល ក៏បានសម្របសម្រួលកិច្ចសន្ទនាស៊ែប៊ី-កូសូវ៉ូផងដែរ៕