យ៉ាងហោចណាស់មនុស្សជាង40 នាក់ត្រូវបានសម្លាប់ នៅក្នុងការប៉ះទង្គិចគ្នារវាងខ្មាន់កាំភ្លើង និងក្រុមសន្តិសុខនៅក្នុងរដ្ឋ Katsina កាលពីថ្ងៃព្រហស្បតិ៍ នៅភាគខាងជើងនៃប្រទេសនីហ្សេរីយ៉ា ដែលជាអំពើហិង្សាចុងក្រោយមុនការបោះឆ្នោត សភានិងប្រធានាធិបតី។
អ្នកនាំពាក្យប៉ូលិសរដ្ឋ Katsina លោក Gambo Isah បាននិយាយកាលពីថ្ងៃសុក្រថាៈ ក្រុមប្រដាប់អាវុធមួយក្រុមដែលគេស្គាល់ថាៈ ជាក្រុមចោរបានវាយប្រហារ ភូមិមួយក្នុងតំបន់រដ្ឋាភិបាលក្នុងតំបន់ Bakori របស់ Katsina ហើយបានវាយសម្លាប់សត្វគោក្របី និងចៀមមុនពេលរត់ចូលទៅក្នុងព្រៃ។
Katsina គឺជារដ្ឋមួយក្នុងចំណោម រដ្ឋភាគខាងជើង ដែលរងគ្រោះខ្លាំងបំផុតដោយក្រុមក្មេងទំនើងប្រដាប់អាវុធដែលវាយប្រហារ និងចាប់ពង្រត់មនុស្សពីភូមិ និងផ្លូវហាយវេនៅតំបន់ដាច់ស្រយាលនៃតំបន់ដែលកងកម្លាំងសន្តិសុខមានចំនួនតិចតួច។
គួរជម្រាបថាៈ ភាពកង្វះសន្តិសុខបានរីករាលដាល ហើយជាកង្វល់ដ៏សំខាន់សម្រាប់អ្នកបោះឆ្នោតនៅមុនការបោះឆ្នោតថ្ងៃទី 25 ខែកុម្ភៈ ។
ដើម្បីជ្រើសរើសសមាជិកសភាថ្មី និងជាអ្នកស្នងតំណែងប្រធានាធិបតី Muhammadu Buhari ដែលជាអតីតមេដឹកនាំយោធា ដែលបានឡើងកាន់អំណាចកាលពី 8 ឆ្នាំមុន ដោយសន្យាថាៈ នឹងបញ្ចប់អសន្តិសុខក្នុងប្រទេស៕