(ភ្នំពេញ)៖ លោក ឌី រត្ន័ខេមរុណ អភិបាលរងខណ្ឌមានជ័យ និងជាប្រធានអនុសាខាកាកបាទក្រហមខណ្ឌមានជ័យ ។
បានអញ្ជើញអមដំណើរ លោក ឌួង អេលីត នាយកពិធីការ កាកបាទក្រហមកម្ពុជា និង គណៈប្រតិភូ ចូលរួមគោរពវិញ្ញាណក្ខន្ធ ឪពុកម្ដាយតារាចម្រៀង សុវត្ថិឌី ធារិកា ដែលបានស្លាប់ នៅរសៀលថ្ងៃទី ១៧ ខែ ឧសភា ឆ្នាំ ២០២២ ដោយគ្រោះថ្នាក់ចរាចរណ៍ នៅស្រុកឆែប ខេត្តព្រះវិហារ ។
ក្នុងនោះលោកបានប្រគល់ជូននូវសារលិខិតរំលែកមរណទុក្ខដ៏ក្រៀមក្រំ
បំផុតរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជូនចំពោះ ឪពុកម្ដាយតារាចម្រៀង សុវត្ថិឌី ធារិកា និងក្រុមគ្រួសារ ។
ដោយបានប្រគល់នៅអំណោយមនុស្សធម៌ នូវអង្ករ ចំនួន ០៤បាវ , ទឹកក្រូច ៥កេស , មី ៥កេស រួមទាំងថវិកា ចំនួន ២០លានរៀលផងដែរ៕