(ភ្នំពេញ)៖ រហូតមកដល់ព្រឹកថ្ងៃទី២១ វិច្ឆិកា សាឡង់ដឹកខ្សាច់ដែលបានបុកជាប់គាំងក្រោមស្ពានបាឡេ នៅមិនទាន់ ត្រូវបានយកចេញនៅឡើយ។
ខណៈចរាចរណ៍យានយន្តគ្រប់ប្រភេទត្រូវបាន ផ្អាកមិនឱ្យឆ្លងកាត់លើស្ពានបាឡេ និងគ្រប់នាវាផ្សេងៗក៏មិនអនុញ្ញាតឱ្យធ្វើចរាចរណ៍ ក្រោមស្ពានផងដែរ ដើម្បីចៀសវាងគ្រោះថ្នាក់ជាយថាហេតុ។
សូមជម្រាបថាៈ កាលពីល្ងាចថ្ងៃទី២០ ខែវិច្ឆិកា ឆ្នាំ២០២២ មានសាឡង់ដឹកខ្សាច់១គ្រឿង បានបេីកបុកស្ពានដែកបាឡេ តាមដងទន្លេចតុមុខ តភ្ជាប់ពីភូមិសាស្ត្រខណ្ឌជ្រោយចង្វារ និងខណ្ឌឬស្សីកែវ យ៉ាងពេញទំហឹង។
បណ្តាលឱ្យសាឡង់លិច និងពិតជាប់ជាមួយសសរស្ពានតែម្តង។
ទន្ទឹមនិងនោះ រដ្ឋបាលរាជធានីភ្នំពេញ បានប្រកាសឱ្យផ្អាកធ្វើចរាចរណ៍លើ ស្ពានបាឡេ ក្រុងរណបជ្រោយចង្វារ ។
សូមជម្រាបជូនថាៈ គិតត្រឹមព្រឹកថ្ងៃទី២១ វិច្ឆិកានេះ សាឡង់ដឹកខ្សាច់ ដែលជាប់គាំងក្រោមស្ពានបាឡេនោះ នៅមិនទាន់ត្រូវបានយកចេញនៅឡើយ៕
